JESAYA 42:3 - BIBEL JAMITA NA DENGGAN

³ Arong na malapat i nada gotapkononna, api na midop-idop i nada intopkononna. Mardongan haburjuonna do patuduhonna tona i.

JESAYA 42:3 ပူးပေါင်းရင်းမြစ်များ

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

MASMUR 94:15

Jadi gabe mardalan ma uhum di pangadilan gogohonon ni sude halak na jujur ma i.

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 42:2

Nada ra ia marsurak sanga pio-pio marsora na gogo, nada habegean sorania di tonga dalan.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 12:20

Nada diponggolkon Ia arong na gale-gale i, nada intopanNia sumbu na medep-edep. Angkon gogohononNia do lopus jongjong hatigoran,

JOHANNES 20:27

Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.