JESAYA 41:8 - BIBEL JAMITA NA DENGGAN

⁸ Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JESAYA 41:8 ပူးပေါင်းရင်းမြစ်များ

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

MASMUR 135:4

Ditodo Ia si Jakob baen diSia sandiri halak Israel, dibaen Ia gabe nampunaNia.

MASMUR 136:21

Dilehen Ia luat ni halahi di bangsoNia, hot do holong ni rohaNia sapanjangna;

MASMUR 136:22

gabe tano pusako ni Israel naposoNa i, hot do holong ni rohaNia sapanjangna.

MASMUR 33:12

Martua ma bangso na mangoku Tuhan gabe Debatana, martua ma bangso na hona todo gabe bangsoNia!

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 29:22

Hara ni i, Debata ni Israel na paluahon si Abraham sian hasusaan, mandok saonnari, “Hamu bangsongKu, nada pabileon be hamu, jana bohimu pe nada langan-langan be hara ni na maila.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 42:19

Adong dope he na umpitung sian Israel naposongKu? Adong dope he na ummingol sian suruanKu?

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JESAYA 44:21

“Ale Israel, ingot ma tongtong, na Hubaen ho naposongKu. Tutu do, ho ma antong naposongKu nada be ho halupahononKu.

JESAYA 45:4

Hara ni naposongKu si Jakob dohot Israel pilianKi, pioonKu ma ho marhite goarmu, manggoari ho, haru pe so ditanda ho dope Au.

JESAYA 48:12

“Ale Israel, ho ma bangso na Hupiohon, Au Debatamu, Au do na parjolo dohot na parpudi.

JESAYA 49:3

Didok Ia tu au, “Ho ma da naposongKu, Israel, hara ni ho, patuduhononKu ma hagodanganKu.”

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

HAMALIMON 25:42

Bangso Israel, halak ni Tuhan do i, Ia do na maroban halahi haruar sian Mesir, jana hara ni i ma nada tola gadison halahi songon hatoban.

MALEAKI 1:2

Didok Tuhan ma tu bangsoNia, “Sian najolo do Huhaholongi hamu.” Tapi dialusi halahi do, “Bia ma he dibaen Ho manghaholongi hami?” Dialusi Tuhan ma, “Nada he martinadohon si Esau dohot si Jakob? Huhaholongi do si Jakob dohot pomparanna,

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

PANGARATAION 10:15

Songon i ma godang ni holong ni roha ni Tuhan mida ompumunu, gabe hamu ma na nipiliNia jana nada bangso na asing jana lopus tu saonnari pe laing hamu do na tarpili gabe bangsoNia.

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

JAKOBUS 2:23

Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”