JESAYA 41:26 - BIBEL JAMITA NA DENGGAN

²⁶ Ise sian hamu na paboa alatan sian mulana anso tardok hami, ‘Tutu do i’? Hape nada jungada adong sian hamu na paboa alatanna, sahalak pe nada adong umbege hamu mandok hata.

JESAYA 41:26 ပူးပေါင်းရင်းမြစ်များ

JESAYA 41:22

Ro ma hamu tuson jana dokkon ma tu hami, aha do na giot tarjadi. Pajojor ma na masa di hatiha na salpu, patorang ma astuanna anso binoto tontu.

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 43:9

Marlagut ma hamu sude angka bangso, suru ma sandok marga marsuo. Ise ma sian halahi na tarbaen maralatan tu na giot ro? Ise na dung mangalatkon hian na masa saonnari on? Anso dibege angka saksi ni halahi, jana dokkononna tutu do songon i.”

JESAYA 44:7

Ise ma he na songon Au? Suru ma ia mangoku! Padiar ma dipabotohon ia dohot dibuktihon ia tu Au. Ise do na dung maralatan tu hatiha na giot ro sian parmulaan lalu tu ujung ni sude hatiha?

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.