JESAYA 41:24 - BIBEL JAMITA NA DENGGAN

²⁴ Satutuna, sisoada do hamu dohot na nipambaenanmunu, jana hagigian sajo angka na marsomba tu hamu.

JESAYA 41:24 ပူးပေါင်းရင်းမြစ်များ

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

MASMUR 115:8

Sai songon i ma nian bagian ni na paturehonsa, maradu sude angka halak na manghaporsayaisa.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

HALUMBAAN 17:5

Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”

JEREMIA 10:14

Marnida sudena i, mamoto ma jolma, na oto do hape ia jana na soada hapistaranna. Maila ma angka na mambaen patung angke na so marguna jana na so marhosa do gana-ganaan na nipaulina.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 28:9

Muda nada oloanmu uhum, tangiangmu pe sihagigian do.

JEREMIA 10:5

Songon halak-halak na di kobun ancimun do patung gana-ganaan i. Nada mangkuling, nada mardalan, jana angkon angkaton do i dibaen na so malo mardalan. Ulang hamu mabiar mida i, angke na so tarbaen i do mambaen na jahat tu hamu; mambaen na denggan pe nada margogo i muse.”

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.