JESAYA 41:2 - BIBEL JAMITA NA DENGGAN

² Ise dehe na marsuru ia ro sian Habincaran i, na marsuru ia na mandapot hamonangan di sude langkana, na pataluhon angka bangso dohot raja-raja? Podangnia mambaen halahi songon abu, jana panania mambaen halahi songon durame na nipurpuran.

JESAYA 41:2 ပူးပေါင်းရင်းမြစ်များ

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

2 RAJA-RAJA 13:7

Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

JESAYA 41:3

Dikojar ia halahi jana malua do ia; dibolus ia do dalan na so jungada nibolus ni patna.

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 45:1

Songon on do hata ni Tuhan, “On ma hatangKu tu halak na Hupasupasu i, si Kores na dung Hutiop tangan siamunna. Anso Hutaluhon angka bangso na di jolona, dohot mamupusi angka raja; anso Hubuka angka pintu na di jolona, jana angka horbangan pe nada tartutup be mangulahi.”

JESAYA 45:13

Au do na manyosoi si Kores anso mambaen tindakan, laho mandalankon maksudKu, anso jongjong hatigoran. Hupahornop dalan sibolusonnia, Jerusalem hutangKu dibangun ia. BangsongKu na hona taban, dipalua ia, so hara ni sisip sanga nidangdangan.” Tuhan Na Markuaso i do na mandokkon i.

JESAYA 46:11

Hupiohon do unggas panyoro sian Habincaran, dohot halak na patulus haputusanKu, sian luat na dao. Madung Hudokkon i, jadi giot patulusonKu do i, madung Husangkapkon i, jadi giot patulusonKu do i.

JESAYA 48:15

Au do na mandok jana na mamiohon ia, Au do na parohon ia, jana sude parkarejoannia marsuha.

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

IBRANI 7:1

Raja sian Salem do si Melkisedek on jana malim ni Debata Na Gumincat i. Hatiha mulak si Abraham sian parporangan di na nitaluhonnia angka raja, ro ma si Melkisedek mangalo-alo jana mamasumasu ia.

HALUMBAAN 16:12

Dung i diduruskon surusuruan na paonomkon i ma isi ni sambongnia i tu Batang aek Efrat na godang i. Gabe mahiang ma batang aek i, lopus tardalani angka raja na sian Habincaran.

HALUMBAAN 7:2

Dung i huida ma sahalak surusuruan na asing ruar muse sian Habincaran. Dioban ia do sada cap sian Debata na mangolu i. Gogo ma sora ni surusuruan i mamiohon surusuruan na opat i na manjagit kuaso sian Debata laho manyegohon darat dohot laut i.