JESAYA 41:19 - BIBEL JAMITA NA DENGGAN

¹⁹ SuananKu ma hayu ares di halongonan, hayu akasia, hayu murad dohot bona ni zetun. Husuan hayu sampinur di padang na bidang, dohot barangan songon i dohot tusam di lambungna.

JESAYA 41:19 ပူးပေါင်းရင်းမြစ်များ

JESAYA 55:13

Gonti ni sihupi tubu ma bona ni sampinur, gonti ni latong tubu ma hayu na huskus. Songon tanda na hot na paingotkon tu rohamunu, taringot tu na dung Hubaen, Au Tuhan mambaensa di hamu.”

JESAYA 35:1

Parhorsihan dohot padang na mahiang marjop ni roha, padang na lungun marsurak-surak jana marbunga ma.

JESAYA 60:13

Hasangapon ni Libanon, i ma: Hayu ampolu, barangan dohot sampinur, hayu hasurungan ni tombak Libanon na jeges i, dioban ma i tu ho, kota na badia laho mangulahi mambangunsa, jana mambaen BagasKu jumagar boti mambaen inganan ni patKu marmulia.

JESAYA 61:11

Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 27:6

Tu hatiha na giot ro, marurat ma pinompar ni si Jakob.

JEHESKIEL 47:12

Sapanjang topi ni batang aek angkup bariba martubuan do sude bona ni hayu sipanganon, nada unjung malos bulung ni hayu-hayu jana batuna pe nada marnamantak. Ganop bulan do bona ni hayu i marbatu, hara ni aek na sian Bagas Na Badia i mangaehisa. Sipanganon do angka batuna i jana bulungna marguna baen ubat.”

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.