JESAYA 41:18 - BIBEL JAMITA NA DENGGAN

¹⁸ Di angka dolok na gundul Hubaen mardalan batang aek, di tano napa marbuldak-buldak ma mual ni aek. Hubaen gabe ambar, angka padang gariang hian, mamincar ma aek sian tano na marigang.

JESAYA 41:18 ပူးပေါင်းရင်းမြစ်များ

MASMUR 104:10

Haruar dibaen Ho mual ni aek di angka rura, sian holang-kolang ni angka dolok mamolus anak ni batang aek.

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 107:35

Parhorsihan diuba Ia gabe ambar, tano na hiang dibaen Ia gabe mual ni aek.

MASMUR 126:4

Oban ma hami mulak, ale Tuhan, tu tanonami, songon udan na mambaen tangkuju di batang aek na hiang di tano Negeb.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

JESAYA 12:3

Jadi marjop ni roha ma hamu manimba aek sian mual haluaan.”

JESAYA 30:25

Di ari dompak na manghobuk angka benteng ni musumu jana dibunui angka halakna i, mamincar ma angka anak ni batang aek sian ganop dolok dohot tor.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 33:21

Patidahonon ni Tuhan ma tu hita hagodanganNia. Mangolu di topi ni batang aek na bidang ma hita, na so tarbolus parau ni musunta.

JESAYA 35:1

Parhorsihan dohot padang na mahiang marjop ni roha, padang na lungun marsurak-surak jana marbunga ma.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JESAYA 65:13

Jadi songon on do pandok ni Tuhan Debata, “Satutuna do, sanga ise na marsomba tu Au jana na burju mangoloi Au tuk do panganon dohot inumonna, hape anggo hamu malean do jana manguas. Moga ma halahi, hape anggo hamu maila.”

JOEL 3:18

Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”

HAKIM-HAKIM 15:19

Jadi gabe dibuka Tuhan ma sada lubang di tano i, lalu ruar ma aek sian i. Minum ma si Simson, dung i sumuang ma gogonia dihilala ia. Jadi hara ni i ma umbaen digoari inganan i Mual Ni Batang aek Hakor. Laing di Lehi do mual ni aek i.