JESAYA 41:16 - BIBEL JAMITA NA DENGGAN

¹⁶ Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 41:16 ပူးပေါင်းရင်းမြစ်များ

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

JESAYA 28:5

Di hatiha i Tuhan Na Markuaso i noma na gabe bunga na jeges di bangsoNia na teba i.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JESAYA 29:5

Hape na giot mago do sude parangan ni alomu songon abu sanga songon lapung diombuskon alogo. Na so niambang-ambang ompot ma

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

JESAYA 65:18

Marjop ni roha jana marmoga-moga ma hamu salolotna, hara ni sude na Hutompa i. TompaonKu ma Jerusalem na imbaru gok jop ni roha, jana na maringanan disi marjop ni roha.

JEREMIA 15:7

Hupiari ma halahi dohot anduri di sude inganan di luat on. BaenonKu ma bangsongKu agoan anak, jana pangabisonKu halahi, harana inda maruba halahi sian pangalahona.

JEREMIA 51:2

Giot suruonKu angka halak na asing na giot mangaroncohon Babel songon alogo na manghabangkon guapak. Di ari hamamago i serangon ni halahi ma luat i sian sude haroroan jana ias paiasonna.

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

DANIEL 2:35

jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

HOSEA 11:9

Nada uhumanKu ho di bagasan rimas ni rohangKu; nada ropukkononKu be Israel. Dibaen Debata do Au, nada jolma. Au Na Badia mandongani ho, jana nada muruhanKu be ho.”

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

MIKA 5:8

Taluhonon ni Israel ma angka musuna jana roncohononna i sudena.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.