JESAYA 41:12 - BIBEL JAMITA NA DENGGAN

¹² Jalahanmu do angka musumu, tapi nada dapot ho halahi. Angka halak na marporang mangalo ho, angkon songon sisoada jana marhamagoan.

JESAYA 41:12 ပူးပေါင်းရင်းမြစ်များ

JESAYA 17:14

Hatiha lusut mataniari dibaen halahi hagaoron, tapi marayak andostorang nada adong be halahi. Songon i ma bagian ni ganop halak na manyamun hita.

JESAYA 29:8

Sandok bangso na marlagut laho mamorangi Jerusalem songon halak na malean na marnipi mangan, tarsunggul, butuhana laing kosong, sanga songon halak na manguas marnipi minum, tarsunggul ia hape aru-arunia laing mahiang.

JESAYA 34:12

Nada adong raja na mamarenta luat i, jana sude pamimpinna markehean sian i.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

ZEPANYA 3:19

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.