JESAYA 41:11 - BIBEL JAMITA NA DENGGAN

¹¹ Sapetona, sude halak na bingkas rimasna tu ho, angkon maila jana hodar; angka halak na mangalo ho, angkon songon sisoada jana ripur.

JESAYA 41:11 ပူးပေါင်းရင်းမြစ်များ

HARURUAR 11:8

Dung i didok si Musa ma muse, “Sude angka menterimu, angkon unduk di jolongku mangido, anso kehe au maroban sude bangsongki. Dung i pe anso kehe hami.” Mardongan muruk situtu, ditinggalkon si Musa ma raja i.

HARURUAR 12:29

Di tonga borngin i, dibunu Tuhan ma sude anak halaklahi siangkaan di Mesir, mamungka sian anak siangkaan ni raja i, lalu tu anak siangkaan ni na di hurungan. Angka pahan-pahanan na parjolo sorang pe dibunu.

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JESAYA 29:5

Hape na giot mago do sude parangan ni alomu songon abu sanga songon lapung diombuskon alogo. Na so niambang-ambang ompot ma

JESAYA 29:7

Jadi mago ma sude parangan ni angka bangso na ro mamorangi Jerusalem, kota langgatan ni Debata i; sude sinjata dohot perlengkapan ni halahi, mago ma i sudena songon nipi sajo, angan-angan hatiha borngin.

JESAYA 29:8

Sandok bangso na marlagut laho mamorangi Jerusalem songon halak na malean na marnipi mangan, tarsunggul, butuhana laing kosong, sanga songon halak na manguas marnipi minum, tarsunggul ia hape aru-arunia laing mahiang.

JESAYA 34:12

Nada adong raja na mamarenta luat i, jana sude pamimpinna markehean sian i.

JESAYA 40:17

Sandok bangso nada bagia aha dope i diSia, nada lobi sian na rumar soada.

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 41:24

Satutuna, sisoada do hamu dohot na nipambaenanmunu, jana hagigian sajo angka na marsomba tu hamu.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 54:15

Muda adong na mangaroro tu ho, nada Au na marsuru, sanga ise na mangaroro ho, angkon talu do.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JEREMIA 12:17

Tapi anggo bangso na so ra mangihutkon Au, umpatonKu ma i songon suan-suanan jana Hupusa.” Songon i ma hata ni Tuhan i.

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

BAENON NI ANGKA RASUL 16:39

Dung i kehe ma halahi mangido maap tu si Paulus dohot si Silas, jana ditaruhon halahi ma sidua halak i ruar sian hurungan i; dipangidohon halahi muse ma anso laing morot halahi na dua sian kota i.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.