JESAYA 40:7 - BIBEL JAMITA NA DENGGAN

⁷ Mahiang ma duhut i jana malos ma bunga i, di na niombuskon ni Tuhan alogo i. Anggo bangso i do satutuna hum songon duhut sajo do.

JESAYA 40:7 ပူးပေါင်းရင်းမြစ်များ

JOB 14:2

Mangerbang ia jana malos songon bunga; salpu songon halinu lalu mago so tarida.

JOB 4:9

‘Songon haba-haba na gogo i do Debata; mangabisi halahi lopus soada!’

JOB 41:21

Hosania mambaen banggar mur magara; api na gara ruar sian babania.

MASMUR 102:4

Hona pukul ate-atengku songon duhut na hiang, nada lalu au be mangan.

MASMUR 103:15

Songon duhut, nada sadia honok ngolu ni jolma, marbunga ma ia songon bunga di ladang;

MASMUR 103:16

muda diombus alogo, manigor mago ma ia, nada adong be marnidasa mangulaki.

MASMUR 90:5

Diayup Ho do hami; songon nipi sajo do hami songon duhut na martumbur;

MASMUR 90:6

martumbur ma i manyogotna i jana mangerbang, tapi gabe malos do i muda dung potang.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 37:27

Nada adong gogo ni angka jolma na maringanan disi; tarsonggot do halahi jana mabiar. Songon duhut na di padang-padang i do halahi sanga songon duhut na tubu di tarup, sanga gandum na malos hatiha so masak dope.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

JAKOBUS 1:10

Jana halak Kristen na kayo, laing marjop ni roha ma muda dipatutoru Debata ia. Angke na giot mago do sanga ise na kayo songon bunga ni duhut.

JAKOBUS 1:11

Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.