JESAYA 40:4 - BIBEL JAMITA NA DENGGAN

⁴ Ganop rura angkon timbunon, jana dolok dohot tor dipahornop. Tano na mardolok-dolok dipahornop, jana tano na marholbung-holbung angkon dipadosdos.

JESAYA 40:4 ပူးပေါင်းရင်းမြစ်များ

PODA 2:15

Panipu do halahi jana nada tarhaposi.

JESAYA 40:3

Adong ma halak na marsurak pio-pio, “Hobasi ma di halongonan dalan ni Tuhan. Baen hamu ma di halongonan dalan godang di Debatanta.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 42:11

Puji ma Debata, ale parhorsihan dohot angka kota, pujion ni halak Kedar ma nian goarNia. Sian puncut ni dolok, na mangingani kota Sela marsurak marolop-olop marjop ni roha.

JESAYA 45:2

“Hujoloi ho laho manotas dalan boluson, dolok dohot tor giot pahornopon. Giot partaporkononKu angka pintu tumbaga, dohot goruk-goruk bosi baenonKu marponggolan.

JESAYA 49:11

BaenonKu ma sian dolok-dolok dalan godang, pahornoponKu ma sude dalan na holbung.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

JEHESKIEL 21:26

Au, Tuhan Debata madung mandok songon i. Buka ma tukumi jana talduskon ma sarobenmi. Saonnari madung muba na masa. Pagincaton do na pogos jana patutoruon do na gincat.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

LUKAS 3:5

Angkon nibuta ma sude holbung, sudena dolok dohot tor nipahornop. Angkon nipatigor ma dalan na so tigor, jana nipahornop ma dalan na manangkok-manuat.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.