JESAYA 40:30 - BIBEL JAMITA NA DENGGAN

³⁰ Salang dakdanak na bajar gale-gale, jana halak na poso tinggang hara ni na loja.

JESAYA 40:30 ပူးပေါင်းရင်းမြစ်များ

MASMUR 33:16

Nada monang raja hara ni godang ni kuasona, nada malua ulubalang hara ni godang hagogoon.

MASMUR 34:10

Angka singa pe markancit hara ni na malean hape dilehen do sude na denggan anggo tu halak na manjalahi Tuhan.

MASMUR 39:5

Pendek na i hape ditontuhon Ho umurku! Nada adong arti ni lolot ni ngolungki di adopanMu. Tontu ma da, hum songon sangombus hosa do jolma,

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 13:18

Bunuon ni halahi do angka na poso dohot siorna songon i dohot pana. Nada masa ibo ni roha di halahi maradopkon dakdanak na baru sorang jana nada holong roha ni halahi mida dakdanak.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JEREMIA 48:15

Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

JEREMIA 9:21

Ma pola masuk hamatean sian jandela, madung manyaroso tu bagasan bagas godang; disaroso angka dakdanak di angka dalan songon i muse angka na poso di alaman.

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

1 SAMUEL 30:10

Dipatorus si Daud ma pardalananna rap dohot opat ratus halak; tapi na dua ratus nari i tinggal disi noma hara ni lojana, nada tolap be manaripari Batang aek Besor i.