JESAYA 40:20 - BIBEL JAMITA NA DENGGAN

²⁰ Angka halak na giot pajongjongkon patung dipili do hayu na maol busuk, jana dijalahi ma angka tukang na malo anso ulang mura goyang patung i.

JESAYA 40:20 ပူးပေါင်းရင်းမြစ်များ

JESAYA 46:7

Diporsan patung i jana dibaen di ingananna, jongjong sajo noma i disi, jana nada tarbaen pinda. Matua na hohom do i muda martangiang halak tusia, jana nada margogo mangurupisa sian mara.

JESAYA 41:7

Tukang bosi paposkon roha ni panyopu sere, jana halak na palimuskon tumbaga pake martil patoguhon roha ni panopa diatas payahan. Didok ia ma, ‘Na denggan do da pamijormi’, lalu dipaku ia ma anso ulang humutur-hutur.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

JESAYA 44:12

Dibuat tukang bosi ma sada logam, ditutung ia ma i lalu ditopa pake toko, dikarejohon ia ma i dohot sude gogo ni tanganna. Maradu malean jana sampe abis gogonia jana nada minum aek ia lopus loja.

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.