JESAYA 40:12 - BIBEL JAMITA NA DENGGAN

¹² Ise ma he tarbaen marsuhat laut dohot tanganna, sanga mangukur langit dohot jari-jarina? Ise ma he tarbaen papungu tano ni portibi di bagasan sambong, sanga manimbang borat ni dolok dohot kiloan?

JESAYA 40:12 ပူးပေါင်းရင်းမြစ်များ

JOB 28:25

Di na nilehenNia gogo tu alogo i, jana dipahot Ia angka batas ni laut i;

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JESAYA 48:13

TanganKu do na mamayakkon ojahan ni portibi, jana tangan siamunKu do na pahembang langit i. Muda Hupio halahi, manigor rap udur do ro halahi.

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.