JESAYA 40:1 - BIBEL JAMITA NA DENGGAN

¹ “Apoi, apoi hamu ma bangsongKi,” ninna Debatamunu, “Apoi, apoi hamu ma halahi!

JESAYA 40:1 ပူးပေါင်းရင်းမြစ်များ

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

MASMUR 85:8

Giotku ma manangihon hata ni Tuhan Debata, dibaen madung dijanjihon Ia pardamean tu hita, bangso na nihaholonganNia, muda tatadingkon antong angka dosanta.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JESAYA 41:27

Au do na parjolo paboahon barita i tu Sion; Husuru do suruanKu paboahon barita na denggan tu Jerusalem.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JESAYA 52:9

Ale sego-sego ni Jerusalem, marsurak ma marjop ni roha! Angke dipalua Tuhan bangsoNia jana diapoi Ia.

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JEHESKIEL 16:42

Dung mardalan pe i anso mombun rimasKu, jana mulak ma tenang Au. Nada muruk be Au sanga mangiburu.

ZAKARIA 1:13

Mardongan hata apo-apo dialusi Tuhan ma surusuruan i

ZAKARIA 1:17

Ulahi muse ma martingting mandok, “Songon on do hata ni Tuhan Na Markuaso, ‘Murrarat dope angka kotangKu baenon jana lobian dipasupasu, jana ulahan ni Tuhan Na Markuaso i ma mangapoi Sion jana mimili Jerusalem.’ ”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

1 TESSALONIKA 4:18

Antong marsipatoguan roha ma hamu, mardongan angka pandohan on.