JESAYA 4:6 - BIBEL JAMITA NA DENGGAN

⁶ LaunganNia ma kota i sian las ni ari hatiha arian, jana mambaensa gabe inganan na sonang na so hona udan dohot bade.

JESAYA 4:6 ပူးပေါင်းရင်းမြစ်များ

MASMUR 27:5

Tuhan do mangondingi au di hatiha parmaraan, mamunihon au di BagasNa, mangabing au tu ginjang ni dolok batu.

MASMUR 55:8

Marhuras noma au manjalahi inganan panyisioan maradopkon alogo na gogo dohot halingsungsung.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JESAYA 32:1

Di sada hatiha, na giot ro, adong ma sada raja na adil mamarenta, jana angka pamimpin ni bangso i pe mandalankon hatigoran.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 8:14

Dibaen na sun badia do Au, gabe batu partuktuhan ma Au di rayat ni Juda, Israel dohot Jerusalem. Songon tirangkap do Au na giot manangkup halahi.

JEHESKIEL 11:16

Hara ni i, palalu ma jolo tonangKon tu angka donganmu na tarbuang i, Au do na maroban halahi songon i daona tu tonga-tonga ni angka bangso jana paserakkon halahi di angka luat i. Tapi haru songon i pe, sai na dongananKu do halahi taran disi halahi.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

HALUMBAAN 7:16

Nada be male halahi sanga manguas; nada taonon ni halahi mataniari sanga las ni ari,