JESAYA 4:4 - BIBEL JAMITA NA DENGGAN

⁴ Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JESAYA 4:4 ပူးပေါင်းရင်းမြစ်များ

MASMUR 51:2

Basu ma sude hajahatanku paias ma au sian sude dosangku.

ENDE NA GODANG 3:11

Hamu angka boru Sion, ligi hamu ma, Raja Salomo mamake tuku dipapakehon inangna di ari parbagasonna, di ari na marjop ni roha ia.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JESAYA 1:25

PalaluonKu noma tu hamu tindakan. Songon halak na papitahon simbora, papitaonKu noma hamu; sude na hodar, buatonKu ma sian hamu.

JESAYA 1:31

Songon durame na puntung dibaen gurasa ni api, songon i muse ma angka halak na markuaso luntahon ni angka pambaenan ni halahi sandiri, jana nada adong na tarbaen mangantak haroroncona i.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JESAYA 28:6

Lehenon ma roha hasintongan di angka panguhum dohot habaranion tu angka panjago ni harbangan ni kota i maradopkon musu na ro mamorangi.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JESAYA 9:5

Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

JEHESKIEL 22:15

PaserahonKu ma halak na mangingani ho tu sude negara dohot bangso jana antahonKu ma pambaenanmu na jahat i.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 36:29

PaluaonKu ma hamu sian sasude na pahodar hamu. LehenonKu ma parenta tu gandum anso simbur tubu anso ulang be ro haleon mangalingkup hamu.

JOEL 3:21

BaloskononKu ma mudar ni halahi tu halak na mamunu halahi, di Sion do Tuhan maringanan.”

ZEPANYA 3:1

Marjaya ma si pangalo dohot si jurngit, ale kota na jotjot mamparkanciti, kota na jurngit na sai mangalo tu Tuhan dohot na mamisat halakna sandiri!

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!