JESAYA 4:1 - BIBEL JAMITA NA DENGGAN

¹ Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”

JESAYA 4:1 ပူးပေါင်းရင်းမြစ်များ

PAMUNGKAAN 30:23

Jadi denggan ma pamatang ni si Rahel jana sorang ma sada anaknia halaklahi. Ning si Rahel ma, “Madung diagohon Debata hailaonku di na nilehenNia sada anak halaklahi tu au.

2 SAMUEL 6:23

Nada mardakdanak anggo si Mikal boru ni si Saul i salolot ngolunia.

JESAYA 10:20

Dapot ma hatihana, bangso Israel na teba i nada be marguru tu bangso na markuaso na giot mangago halahi, tapi tu Tuhan, Debata Na Badia ni Israel noma.

JESAYA 13:12

Angkon ummotik jolma na mangolu sian sere na polin.

JESAYA 17:7

Di ari i, mangulahi ma halak mangido tolong tu na manompasa, Debata Na Badia ni Israel.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 3:6

Jadi di hatiha i adong ma sahalak maniop kahanggina di bagas ni amangna, dung i mandok, “Adong dope jubamu, ho ma pamimpin di hami, jana angka na maronco on di toru kuasomu.”

JESAYA 54:4

Ulang ho mabiar, nada pola pailaon be ho; nada layasan jabat mangirput ho. Halupahononmu ma na so turemu dompak poso ho; dohot na lungunmu dompak mabalu ho.

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

LUKAS 1:25

Didok ia ma, “Ujungna hape ditolong Tuhan do au jana dibuat Ia habileanku.”

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

2 TESSALONIKA 3:12

Mangasahon kuaso ni Tuhan Jesus Kristus, hami sosohon tu angka halak sisongon i jana hami paingotkon tu halahi, anso burju halahi markarejo, marsijalahi balanjona be ma halahi.

1 SAMUEL 1:6

Sai na dipahancit ni si Penina do roha ni si Hanna jana diincahi ia imbangnia i hara ni na so dilehen Tuhan anak disia.