JESAYA 39:4 - BIBEL JAMITA NA DENGGAN

⁴ “Aha na niligi ni halahi di bagas godang?” ning si Jesaya muse manyapai. “Sasudena,” ning si Hiskia mangalusi. “Sada pe nada adong be na di bagasan bagas godang on na so hupatidahon tu halahi.”

JESAYA 39:4 ပူးပေါင်းရင်းမြစ်များ

JOB 31:33

Anggo halak na asing dibunihon do dosana, hape anggo au nada unjung songon i da.

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

JESAYA 39:3

Dung i ro ma Panurirang Jesaya mangadop tu Raja Hiskia lalu marsapa, “Isi ni dia dehe angka halak on? Aha didok halahi?” Dialusi si Hiskia ma, “Sian sihadaoan do halahi, sian Babel.”

JESAYA 39:5

Jadi didok si Jesaya ma tu raja i, “Didok Tuhan Na Markuaso i,

JEREMIA 17:3

dohot di angka dolok di balian ni kota. Hara ni sandok dosa na dung dipambaeni hamu di luat on sudena, baenonKu ma anso diangkat angka musumunu i sude arta dohot sinadonganmunu.

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.