JESAYA 38:8 - BIBEL JAMITA NA DENGGAN

⁸ Di tudu-tudu ni jom mataniari na nibaen ni Raja Ahas i, pamunduronKu ma halinuna i sampulu langka.” Jadi gabe mundur ma antong halinu i sampulu langka.

JESAYA 38:8 ပူးပေါင်းရင်းမြစ်များ

2 JUJUR TAON 32:24

Laing hira-hira di hatiha i, marnyae ma Raja Hiskia hancit jabat do giot marujung. Martangiang ma ia, jadi dilehen Tuhan ma tanda disia bahaso na malum dope ia.

2 JUJUR TAON 32:31

Jana dompak diparro ni angka utusan na sian Babel i laho manyapai tusia taringot tu hamamalumnia na pahomang roha i, dipadiar Tuhan ma si Hiskia mambaen lomo ni rohana sandiri laho manguji rohania.

JESAYA 38:9

Jadi dung malum si Hiskia, disuratkon ia ma ende puji-pujian songon on:

JESAYA 7:11

“Pangido ma anso dilehen Tuhan Debatamu di ho sada tanda, sanga pe i sian inganan ni halak na mate sian toru, sanga pe na sian banua ginjang.”

MATEUS 16:1

Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

HAKIM-HAKIM 6:17

Dialusi si Gideon ma, “Muda na tutu situtu do au tumbuk di roha ni Tuhan, cubo ma jolo mangalehen tanda bahaso na tutu do Tuhan mangkobari tu au.