JESAYA 38:18 - BIBEL JAMITA NA DENGGAN

¹⁸ Angke nada adong na mandok tarimakasi sian inganan ni na mate tu Ho, hamatean nada bisa mamuji Ho; angka jolma na giot tu kuburan inda dipainte be hasetiaonMu.

JESAYA 38:18 ပူးပေါင်းရင်းမြစ်များ

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

MASMUR 6:5

Angke anggo dung do di hamatean nada ingoton be Ho, anggo di inganan ni halak na mate nada adong be mamuji Ho.

MASMUR 6:6

Humolos au pola marsak situtu; ganop borngin mardodor ilungku, manombur podomanku.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

BILANGAN 16:33

Dung i masuk ma halahi mangolu-olu di inganan ni halak na mate dohot sude arta ni halahi. Tano i pe martutup mangulahi di ginjang ni halahi, mago ma halahi.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”