JESAYA 38:14 - BIBEL JAMITA NA DENGGAN

¹⁴ Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

JESAYA 38:14 ပူးပေါင်းရင်းမြစ်များ

JOB 17:3

Tigor do au ale Debata. Pos ma rohaMu di au! Ise dope he na tarbaen manungkoli na hudok?

JOB 30:29

Soraniba ibo roha umbegesa songon partangis ni unggas unto dohot sorigala.

MASMUR 119:82

Barnit matangku, paintehon Ho manggohi baga-bagaMu, marsapa au, “Andigan do apoanMu au?”

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 55:2

Tangihon jana alusi ma au, maloja au hara ni hasusaanku.

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

JESAYA 59:11

Sude do hami mangorong songon gompul; sai morong-orong songon darapati. Hami painte-inte hatigoran, tapi nada adong, painte-intehon haluaan tapi sai mandao sian hami.

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

JEHESKIEL 7:16

Malua do nian deba jana maporus ma i tu partoran songon darapati na nihabur sian rura. Mangangguhi be ma i hara ni angka dosa ni halahi.

NAHUM 2:7

Hona tangkup ma dadaboru ni raja i, jana dibukai pakeanna, mangangguk bingar jana tumatangis ma anak boru pangoloi, morong-orong halahi songon darapati jana hara ni na mandele, ditompuki ma andorana.

NAHUM 2:8

Mangambur be masarsar rayat ni Ninive songon aek na mabulak sian gadu-gadu na matolbak. Tarbege ma na marsurak, “Maradian! Maradian!” hape nada adong na ra ro mangulahi.

IBRANI 7:22

Jadi dao do dumenggan pamudun ni janji na nibaen ni Jesus i.