JESAYA 38:1 - BIBEL JAMITA NA DENGGAN

¹ Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

JESAYA 38:1 ပူးပေါင်းရင်းမြစ်များ

2 SAMUEL 12:22

“Olo,” ning si Daud mangalusi, “Tutu do puaso au jana tangis dompak mangolu dakdanak i, harana didok rohangku: Betak na ibo do roha ni Tuhan mida au jana padiaronNia mangolu dakdanak i.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 JUJUR TAON 32:24

Laing hira-hira di hatiha i, marnyae ma Raja Hiskia hancit jabat do giot marujung. Martangiang ma ia, jadi dilehen Tuhan ma tanda disia bahaso na malum dope ia.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 37:2

Dung i disuru ia ma si Elyakim kapala ni bagas godang i, si Sebna juru tulis negara dohot angka malim na matobang laho mandapotkon Panurirang Jesaya, anak ni si Amos. Halahi pe laing marabit goni do.

JESAYA 37:21

Dung i ditongos si Jesaya ma tona tu Raja Hiskia, Songon on ma didok Tuhan Debata ni Israel: Taringot tu na dung ditangiangkon ho tu Au si Sanherib, raja Asur,

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

JUNUS 3:4

Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”

BAENON NI ANGKA RASUL 9:37

Jadi marnyae ma ia hatiha i, lalu mate. Dung nididi bangkenia i, dipayakkon ma di bilik na di loteng ni bagas i.