JESAYA 37:3 - BIBEL JAMITA NA DENGGAN

³ On ma tona ni si Hiskia na nipasahat ni halahi tu si Jesaya, “Ari siluluton do sadari on; diuhum do hita jana dipabile. Tudos do hita on tu dadaboru na giot hipas, hape abis gogo.

JESAYA 37:3 ပူးပေါင်းရင်းမြစ်များ

2 RAJA-RAJA 19:3

Songon on ma tona ni si Hiskia na nipalalu ni halahi tu si Jesaya, “Ari siluluton do sadari on; diuhum do hita jana dipabile. Songon dia ma ina na giot manyorangkon hita, hape abis gogo.

2 JUJUR TAON 15:4

Hape dompak di bagasan hasusaan halahi, ro ma halahi mandapotkon Tuhan, Debata ni Israel. Mangido panogu-noguon ma halahi, jana Dilehen do antong.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

JESAYA 22:5

Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

JESAYA 66:7

Songon ina na ompot manubuhon dakdanak do anggo kotangKu na badia i, na so jabat mangae na hancit.

JESAYA 66:9

Ulang diambang hamu Huoban bangsongKi lopus tu hasosorangna hape nada Hupadiar halahi sorang.” Songon i ma didok Tuhan.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

HOSEA 5:9

Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.