JESAYA 32:8 - BIBEL JAMITA NA DENGGAN

⁸ Tapi anggo halak na burju roha sai na tigor do i jana pir do i mampartahankon na tigor.

JESAYA 32:8 ပူးပေါင်းရင်းမြစ်များ

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

2 KORINTUS 8:2

Na dung hona uji do halahi di angka hasusaan na borat situtu. Tapi di tonga-tonga ni hasusaan i pe laing marjop ni roha do halahi jana miduk do silehen-lehen ni halahi laho mangurupi halak na asing, haru pogos sajo pe halahi, tapi na mora do halahi di asi ni roha.