JESAYA 32:7 - BIBEL JAMITA NA DENGGAN

⁷ Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 32:7 ပူးပေါင်းရင်းမြစ်များ

MASMUR 119:95

Sai inte do parjahat i laho mamunu au, tapi sai hupasari-sari do parentaMu.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JESAYA 59:15

Marhite na songon i, hatigoran madung mago, jana sanga ise na mandao sian hajahatan, gabe panganon ni hajahatan.” Madung diida Tuhan sudena i, jana nada sonang rohaNia na so adong be jolma na mambaen haputusan na tigor.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MATEUS 26:4

Martahi ma halahi laho manangkup Jesus anso dibunu halahi Ia.