JESAYA 32:18 - BIBEL JAMITA NA DENGGAN

¹⁸ Marmoga-moga ma bangsongku. Moga ma halahi di bagas ni halahini be, nada adong be hasusaan.

JESAYA 32:18 ပူးပေါင်းရင်းမြစ်များ

MASMUR 107:7

Mamolus sian dalan na lidang halahi ditogu Ia, tu inganan parmianan di sada kota.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 14:3

Giot paluaon ni Tuhan ma Israel sian parhancitan dohot pardangolanna dohot sian karejo na borat na nipaksahon tu halahi.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

JESAYA 28:12

Ditawarkon Ia do ari paradianan dohot jop ni roha tu hamu sude. Hape hamu do na so ra manangihon.

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

JESAYA 33:6

jana lehenonNia ma hasonangan tu bangso i. Sai na ondihononNia do bangsoNa jana baenonNia halahi marbisuk dohot marbinoto. Pasangapon ni halahi ma Tuhan; i noma arta ni Sion.

JESAYA 65:21

Pajongjong bagas ma halahi jana manginganisa; suanon ni halahi ma angka kobun anggur jana panganon ni halahi ma parbatuna.

JESAYA 65:9

PasupasuonKu do halak Israel na sian Marga Juda. Pomparan ni halahi ma gabe nampuna tano pardolohanKu. Bangso na Hupili na mangoloi Au maringanan ma disi

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

JEHESKIEL 34:28

Nada samunon ni angka bangso na so mananda Au be halahi, sanga dijomak angka binatang panyoro. Di bagasan sonang noma halahi mangolu, jana sada halak pe nada adong be na mambaen mabiar halahi.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

ZAKARIA 3:10

Jadi muda dung dapot ari i, marsipio hombar bagasna be ma halak anso ro mangarasoi dame dohot hasonangan di tonga-tonga ni angka kobun anggur dohot angka bona ni aramu.”

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.