JESAYA 32:12 - BIBEL JAMITA NA DENGGAN

¹² Mangandungi ma hamu harana madung disegohon angka ladangmunu na napu i dohot kobun anggurmunu i,

JESAYA 32:12 ပူးပေါင်းရင်းမြစ်များ

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 24:7

Marsingkor bona ni anggur jana maol ma dapot aek ni anggur. Halak na marjop ni roha di hatiha na salpu, saonnari gabe marsak.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

JEHESKIEL 20:15

Di parhorsihan i pe laing marjanji do Au mandok, na so obanonKu bangso Israel i masuk tu tano na dung Hupasingkop i di halahi, tano na denggan boti na napu jana na dumenggan di sandok portibi on.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

JOEL 1:7

Disegohon halahi do bona ni anggurta, bona ni ara pe diabiskonsa. Disangkuliti halahi bonana, gabe mamontar angka dangkana.

NAHUM 2:7

Hona tangkup ma dadaboru ni raja i, jana dibukai pakeanna, mangangguk bingar jana tumatangis ma anak boru pangoloi, morong-orong halahi songon darapati jana hara ni na mandele, ditompuki ma andorana.