JESAYA 31:3 - BIBEL JAMITA NA DENGGAN

³ Hum jolma na somal do halak Mesir, nada debata halahi. Kudo ni halahi pe mahluk na somal do, nada adong bako hadebataanna. Muda jabat martindak Tuhan, targompang noma bangso na gogo i, jana bangso na gale na nitungkolanna i pe madabu noma. Gabe rap marujung noma i dua-duana.

JESAYA 31:3 ပူးပေါင်းရင်းမြစ်များ

2 JUJUR TAON 32:8

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.

MASMUR 118:8

Gumonan do iba marpos ni roha tu Tuhan, umpado mangasahon jolma.

MASMUR 33:17

Nada tarpangasahon kudo manjalahi hamonangan, nada tarbaen paluahon, halobian ni gogona.

MASMUR 9:20

Padiar ma di bagasan biar halahi, O Tuhan, anso ditanda dirina bahaso na hum jolma sajo do halahi.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 20:4

Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

JESAYA 20:6

Dokkonon ni halak na mangingani topi laut na di Pilistin ma hatiha i, ‘Ligi pe da na masa i tu bangso na tapangasahon i laho mangondihon hita maradopkon raja ni Asur. Bia dope pambaenna malua hita on?’ ”

JESAYA 30:16

Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.

JESAYA 30:5

gabe hahaila noma i di bangso Juda hara ni na dung marpos ni roha halahi tu bangso na so tarpangasahon i. Nada pangurupion na dapot halahi, tapi tilako do.”

JESAYA 30:7

Parcuma do pangurupi ni Mesir. Hara ni i gabe Hubaen ma panggoar-goari ni Mesir, ‘Naga na so sihabiaran.’ ”

JESAYA 36:6

Pangurupi ni Mesir do diarop rohamu. Anggo i do, tudos tu na martungkotkon arung do i; – maponggol do i naron gabe susuk tu tanganmi. Songon i do raja Mesir di sude halak na mararop ni roha tusia.’ ”

JESAYA 36:9

Mangadopi perwira partoru pe sian tentara ni Asur nada tumbuk dope hamu alo ni i. Hape haru songon i laing mararop roha dope hamu tu Mesir manongos bantuan kareta porang dohot tentara na markudo!

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

JEHESKIEL 28:2

“Ale jolma parsantongkinan, palalu ma tu raja ni Tirus, sanga aha na Hudok, Au Tuhan Debata mandok tusia, ‘Bulbul ni hatamu antong mandok na dung dietong ho dirimu debata na mangarajai sude laut. Muda na giot songon debata pe pangalahomu, guru di ho ma i, tapi ingot ma, jolma na somal sajo do ho.

JEHESKIEL 28:9

Antong muda dung dapot hatiha ni i, laing tardokkon ho dope he, Debata ho? Torang ma di jolo ni musumu bahaso hum jolma na somal sajo do ho.

AMOS 2:15

Na malo manyior pe nada manahan, na hipas marlojong pe nada tarbaensa paluahon dirina, jana na mangalombut kudo pe nada malua.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”