JESAYA 30:2 - BIBEL JAMITA NA DENGGAN

² Kehe do halahi antong tu Mesir so jolo mangido tahi tu Au. Sai giot marlindung do halahi tu Mesir jana marpos ni roha tu raja ni Mesir.

JESAYA 30:2 ပူးပေါင်းရင်းမြစ်များ

1 RAJA-RAJA 22:7

Tapi disapai si Josafat ma mangulahi, “Adong dope ulaning panurirang na asing na gabe parhiteanta laho manyapai hagiot ni Tuhan?”

2 RAJA-RAJA 17:4

Tapi di sada hatiha, disuru si Hosea ma utusan tu si So, raja ni Mesir, laho mangido bantuan. Jadi gabe mantak ma si Hosea manggarar pajak siganop taon tu Asur. Dung diboto si Salmaneser na manghianat si Hosea ditangkup ia ma si Hosea jana dipamasuk ia tu hurungan.

2 RAJA-RAJA 18:21

Dipangasahon ho ma hape Mesir, tudos tu na martungkotkon arung do i; maponggol ma tungkotmi, hona susuk muse ma tanganmi. Songon i ma halak Mesir di sude halak na mararop roha tusi.’ ”

JESAYA 16:3

Didok halahi ma tu halak Juda, “Dokkon ma sanga aha sikarejohononnami. Ondingi ma hami songon bona ni hayu na mangalehen linggom na laung di ari milas arian i, jana padiar ma maringanan hami di toru ni linggommu. Pangungsi do hami; bunihon ma hami anso ulang tartangkup.

JESAYA 18:1

Di ipar ni angka Batang aek Sudan tarbege do sora songon pamaspas ni habong.

JESAYA 36:6

Pangurupi ni Mesir do diarop rohamu. Anggo i do, tudos tu na martungkotkon arung do i; – maponggol do i naron gabe susuk tu tanganmi. Songon i do raja Mesir di sude halak na mararop ni roha tusia.’ ”

JESAYA 36:9

Mangadopi perwira partoru pe sian tentara ni Asur nada tumbuk dope hamu alo ni i. Hape haru songon i laing mararop roha dope hamu tu Mesir manongos bantuan kareta porang dohot tentara na markudo!

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

JEREMIA 21:2

“Mangkobari ma jolo ho dohot Tuhan salaho tu hita, harana madung dihobuk si Nebukadnesar raja ni Babel rap dohot paranganna kotanta on. Betak na giot baenon ni Tuhan do hahomangan di hita, jana paksaonNa si Nebukadnesar manarik mundur parangannia.”

JEREMIA 37:5

Madung kehe tentara ni Mesir sian Mesir laho marporang. Umbege i, gabe mundur ma tentara ni Babel na manghobuk Jerusalem i.

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JEREMIA 43:7

Dialo halahi do parenta ni Tuhan jana kehe halahi tu Mesir lopus lalu tu kota Tahpanhes.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

HOSEA 8:10

Tapi saonnari palagutonKu noma halahi jana nada be angkaton ni halahi sandiri raja sanga angka pamimpin ni halahi. Nada sadia honok nari ganggu ma halahi hara ni na hancitan, muda jabat ro raja ni Asur mamisat halahi.

HOSEA 8:9

Songon halode riar na sai mangalo, songon i ma halak Israel na sai mangihutkon giot-giotna sandiri. Dijalahi halak Efraim do bantuan sian Asur, jana digarari halahi pardonganon sian angka bangso sileban.

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”

JOSUA 9:14

Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi.

HAKIM-HAKIM 9:15

Dialusi tada-tada i ma, ‘Muda sian situtu ni rohamunu do mambaen au gabe rajamunu, ro ma hamu marlindung di toru ni linggomanku. Tapi anggo nada ra hamu, ruar do api sian angka dangkangku na marduri on na manyurbu sude angka bona ni ares na di Libanon.’ ”