JESAYA 3:5 - BIBEL JAMITA NA DENGGAN

⁵ Hara ni i angkon marsisosakan ma bangso i, na sahalak tu na sahalak nari, na sada tu na asing; na umposo angkon manyonggak amangna dohot inangna, jolma na layas tu jolma na sangap.

JESAYA 3:5 ပူးပေါင်းရင်းမြစ်များ

2 RAJA-RAJA 2:23

Dung i kehe ma si Elisa sian Jeriko tu Betel. Di tonga dalan marroan ma angka dakdanak sian kota mangalayas-layasi tusia, “O palpal, palpal, morot ho sian on!” ning halahi marsurahi.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 11:13

Nada be mangiburu harajaan Israel mida Juda, jana Juda pe nada be musuanna Israel.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MARKUS 14:65

Jadi adong ma deba na mamungka manijuri Jesus. Adong muse ma na manutup mataNia, dung i dibalbali ma Ia. Didok ma tuSia, “Cubo ma jolo paboa sanga ise na mamukul Ho?” Angka pangawal i pe dohot do mambalbali Jesus.

LUKAS 22:64

Dibulang halahi ma mataNa i jana disapai halahi ma Ia, “Paboa ma jolo sanga ise do na mambalbali Ho?”

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.