JESAYA 3:25 - BIBEL JAMITA NA DENGGAN

²⁵ Angka halaklahi na maringanan disi, salang na gumogona i, mate di porang noma i.

JESAYA 3:25 ပူးပေါင်းရင်းမြစ်များ

2 JUJUR TAON 29:9

Marmatean angka amanta di parporangan jana angka dakdanak dohot dongan sabagasta dioban gabe taban.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JEREMIA 11:22

Jadi hara ni i, didok Tuhan Na Markuaso i ma, “UhumanKu ma halahi! Marmatean di parporangan ma angka doli-doli ni halahi; angka dakdanak ni halahi mate tangkuraparon.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 21:9

Ganop halak na tinggal di bagasan kota mate ma baenon ni podang, tangkuraparon sanga nyae masa. Tapi sanga ise na haruar laho tunduk tu halak Babel na mamorangi kota on, malua do halahi jana nada hona bunu.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

AMOS 9:10

Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”