JESAYA 3:14 - BIBEL JAMITA NA DENGGAN

¹⁴ Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 3:14 ပူးပေါင်းရင်းမြစ်များ

JOB 22:4

Nada i hara ni biarmu mida Debata, ditudu ho jana nietong sala,

JOB 24:14

Andos torang dope ngot ma sibunu jolma sian podomanna, lalu kehe ma ia mamunu halak na so mardiha-diha, jana dompak so torang dope ari, monjap-onjap ma ia sai songon panangko.

JOB 24:9

Diparhatoban halak na jahat ma dakdanak na so marama so marina, jana dibuatsa ma anak ni halak na pogos baen garar ni utangna.

JOB 34:23

Nada porlu tontuhonon ni Debata tingkiNa, haroro ni jolma manusia anso adilanNia.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

PODA 30:14

Adong do halak na kejam na mambuat pangomoan sian na pogos dohot na dangol, sai songon i do dikarejohon manjalahi ngoluna.

JESAYA 10:1

Marjaya ma hamu! Dipambaeni hamu do angka aturan na so tigor laho mamisat bangsongKi.

JESAYA 10:2

Songon i ma dalanna dibaen hamu laho paimbar hak dohot hatigoran jana mangarampas sinadongan ni angka na mabalu dohot na so marama so marina.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 14:30

Haru na umpogos sian bangsongKu maduma sipanganon, jana angka halak na pogos sonang ma mangolu. Tapi masa ma haleon potir tu halak Pilistin, gabe mate ma halahi sude.

JESAYA 26:6

Angka na pogos jana na dangol i ma mandege-degesa.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JESAYA 30:12

Tapi on ma na nidok ni Debata Na Badia ni Israel: “Dipasiding hamu do na Hudok jana dipangasahon hamu do gogo dohot gabus.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JESAYA 58:4

Puaso pe hamu hum anso patubu bada do dohot parsalisian jana mur gasa-gasaon hamu mambalbali. Diambang hamu do lakna puaso na songon i ma mambaen Au targorak laho manangihon angka tangiangmunu?

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

JEREMIA 5:27

Songon parburu unggas na pamasuk unggas tu karanjangna, songon i muse ma halahi mangisi bagas ni halahi dohot angka barang-barang na ditipu. Songon i ma dalanna gabe markuaso jana mamora halahi;

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

JEHESKIEL 20:35

Jadi obanonKu ma hamu tu ‘Halongonan Ni Angka Bangso.’ Disi ma hamu uhumanKu paado-adop bohi be,

JEHESKIEL 20:36

songon na Hubaen tu angka ompumunu di Parhorsihan Sinai. Au Tuhan Debata madung mandok songon i.”

HAMALIMON 25:14

Jadi muda digadis hamu tano tu donganmu sabangso, sanga manobusi tano sian ibana, ulang baen hamu na so tigor disi.

HAMALIMON 25:17

Ulang tipu donganmu sabangso, tapi habiari ma Tuhan Debatamu.

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

MIKA 3:3

Dipolgak hamu do bangsongKi. Disibak-sibak hamu bobakna i jana ditapor hamu holi-holina i. Diponggol-ponggol hamu halahi songon na mananggoi juhut laho pamasukkon tu bagasan huali.

MIKA 6:10

Di angka bagas ni halak parjahat, marpungu ma sinadongan na dapot sian dalan na so patut. Dipake halahi do parsuhatan na pargabus, i ma sada parbuatan na sai Huhagigihon.

MATEUS 21:33

“Tangihon hamu ma jolo umpama na sada nari on,” ninna Jesus. “Adong ma sahalak partano na bidang nampuna kobun anggur, dihandang ia ma sude humaliang kobun i, dihuar ia ma lubang inganan pamoroan ni anggur, dibaen ia muse ma tuhu-tuhu inganan ni na manjago. Dung i dipabolahon ia ma kobun anggurnia i tu angka pamola, kehe ma ia mardalanan tu luat na asing.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!