JESAYA 3:12 - BIBEL JAMITA NA DENGGAN

¹² Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JESAYA 3:12 ပူးပေါင်းရင်းမြစ်များ

2 RAJA-RAJA 11:1

Disi tarbege tu si Atalia taringot tu hamamate ni anaknia si Ahasia i, diparentahon ia ma anso dibunu sude horong ni si Ahasia.

JOB 30:13

Ditahi halahi ma mandabuhon au mangalampang dalan laho mangago au. Umpe sahalak na mangambati pangarorona tu au halahi.

PODA 28:16

Kejam do pambaen ni parkuaso na so adong parbinotoanna, mamarenta do ia martaon-taon muda dihagigihon ia hageduhan.

PARJAMITA 10:16

Marjaya do luat na marrajahon jolma na bajar, jana angka parpangkatna sasaborngin marhorja godang.

JESAYA 19:14

Tuhan do na mambaen halahi mangalehen sipaingot na paguga-gugahon. Jadi gabe marsalaan ma antong sude na nipambaenan ni Mesir i jana pardalanna i pe songon na mabuk noma marunjoman jana tarsilandit di uta-utana i sandiri.

JESAYA 3:4

PabangkitonKu ma angka na poso bulung gabe pamimpin ni halahi, jana angka dakdanak gabe mamarenta halahi.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [