JESAYA 27:7 - BIBEL JAMITA NA DENGGAN

⁷ Jabat dehe songon borat ni uhum tu angka bangso na asing i panguhumi ni Tuhan di bangso Israel? Sanga songon bahat ni musu na mate bahat ni halak Israel na mate?

JESAYA 27:7 ပူးပေါင်းရင်းမြစ်များ

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 10:17

Debata Na Badia sinondang ni Israel, gabe songon jilam ni api na manutung abis sasudena di bagasan sadari, dohot ma i angka ramba na marduri i.

JESAYA 17:14

Hatiha lusut mataniari dibaen halahi hagaoron, tapi marayak andostorang nada adong be halahi. Songon i ma bagian ni ganop halak na manyamun hita.

JESAYA 17:3

Nada margogo Israel jana mago ma habebason ni Damaskus. Mangolu di bagasan habilean ma halak Siria na tinggal i, songon halak Israel. Au, Tuhan Na Markuaso, madung mandokkon i.”

JESAYA 30:31

Tarsonggot ma halak Asur muda dibege halahi sora ni Tuhan jana taraso ma panguhumiNia na borat i.

JESAYA 31:8

Abis di parporangan noma Asur, tapi nada marhite gogo ni jolma. Maporus ma halak Asur i sian porang, jana angka na poso bulung ni halahi baenon noma gabe hatoban.

JESAYA 31:9

Maporus ma rajana i hara ni biarna, jana angka perwirana i tarsonggot situtu, gabe ditadingkon halahi noma mandera ni parporangan.” Madung didok Tuhan songon i, nampuna api na di Sion dohot tataring na di Jerusalem.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

NAHUM 3:19

Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.