JESAYA 27:5 - BIBEL JAMITA NA DENGGAN

⁵ Tapi ampot angka musu ni bangsongKi, tu Au parlindungan dijalahi, padiar ma ro halahi mardame tu Au, tutu do ra ma halahi mardame tu Au.”

JESAYA 27:5 ပူးပေါင်းရင်းမြစ်များ

JOB 22:21

Antong ale Job, mardame ma da ho dohot Tuhan, anso laing dumpangan ho di hasonangan. Muda dipatulus ho i, pasti dapot ho ma parlaboan.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JESAYA 42:19

Adong dope he na umpitung sian Israel naposongKu? Adong dope he na ummingol sian suruanKu?

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 56:2

Martua ma halak na mandalankon i, dohot Anak Ni Jolma na marojahan tusi: Na marningot Ari Sabat jana nada dilaosi ari i, dohot na mangorom dirina tu hajahatan.”

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

LUKAS 14:32

Anggo diboto ia do na so margogo ia, tontu tongosonnia do suruannia mangido mardame dompak dao dope musunia i.”

LUKAS 19:42

Humolos ma Ia, “Dengganna i sugari diboto hamu sadari on sanga aha na porlu di hamu laho manjagit hadameon i! Hape saonnari buni do i di jolo ni matamu.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

JOSUA 10:6

Dipalalu halak Gibeon ma barita on tu si Josua di parbandaran na di Gilgal, “Urupi ma hami tuannami, palua ma hami! Ulang padiar hami! Ro ma tuan i mangurupi hami. Dibaen madung mardomu tentara ni sude angka raja ni Amori na di luat pardolohan mangalo hami!”