JESAYA 27:4 - BIBEL JAMITA NA DENGGAN

⁴ Nada muruk be Au sanga na biraraon. Sugari pe laing adong duhut sanga sihupi, Au noma torus mamorangi abis ma i sudena Hututungi.

JESAYA 27:4 ပူးပေါင်းရင်းမြစ်များ

2 SAMUEL 23:6

Tapi anggo na so mangoloi Tuhan tu duri na nisampakkon do i nipasuman. Nada tarjama tangan halahi,

2 SAMUEL 23:7

so adong halak na ra manondong i, anggo so adong parkokas sian hayu sanga bosi. Abis do halak sisongon i panganon ni api.

MASMUR 103:9

Santongkin sajo do hamumuruk ni Tuhan, nada sapanjangna rimas ni rohaNia.

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

JESAYA 10:17

Debata Na Badia sinondang ni Israel, gabe songon jilam ni api na manutung abis sasudena di bagasan sadari, dohot ma i angka ramba na marduri i.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 33:12

Nitutungan ma angka bangso gabe kapur baen soda, jana nitutungan di bagasan api songon sihirput na dirambas.

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JEREMIA 29:11

Nada he Au sandiri mamboto angka sangkapKu taringot tu hamu? Nada na giot mangago hamu angka sangkap i; tapi na giot tu hasonanganmunu do i dohot mangalehen tu hamu arop ni roha na denggan di hatiha na ro.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,