JESAYA 27:3 - BIBEL JAMITA NA DENGGAN

³ Au do Tuhan na manjagosa; jana na totop pasiram-siram i; arian sanga borngin sai Hujagoi do i, anso ulang adong na manyego i.

JESAYA 27:3 ပူးပေါင်းရင်းမြစ်များ

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 9:9

“Saonnari baenonKu ma parjanjian dohot hamu bope dohot pomparanmunu,

1 RAJA-RAJA 8:59

Sai diingot Tuhan Debatanta ma tangiang dohot pangidoan na dung hupalalu tuSia. Sai dipasupasu Ia ma halak Israel dohot rajana jana dilehen Ia sanga aha na porlu di halahi ganop ari.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:5

Disi do mian Debata, jana indangkan na ra sego kota i, dilehen Ia do pangurupion di habibincar ni mataniari.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JESAYA 60:16

Pature-tureon ni angka raja dohot bangso i ma ho, songon ina na marmudu-mudu anakna. Jadi botoonmu ma, Au do tutu Tuhan, na palua hamu, jana Debata ni Israel na gogo i, paluahon hamu.

JEHESKIEL 34:11

Didok Tuhan Debata i ma, “Au sandiri noma manjalahi angka biri-biringKi jana pature-ture halahi,

JEHESKIEL 34:24

Au Tuhan, gabe Debata ni halahi, jana raja na tudos tu si Daud i ma na gabe pangarajai ni halahi. Au Tuhan, madung mandok songon i.

JEHESKIEL 37:14

LehenonKu ma tondingKu tu bagasan diri ni halahi laho pangoluhon halahi, jana baenonKu halahi anso maringanan di luat ni halahi sandiri. Jadi botoon ni halahi ma bahaso Au do Tuhan, madung mandok songon i jana patulusonKu do songon i.”

JEHESKIEL 37:28

Jadi muda dung ditonga-tonga ni halahi inganan na badiangKu salolot-lolotna, gabe botoon ni angka bangso na asing ma Au Tuhan, madung manodo Israel gabe bangsongKu sandiri.”

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.