JESAYA 26:8 - BIBEL JAMITA NA DENGGAN

⁸ Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 26:8 ပူးပေါင်းရင်းမြစ်များ

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

MASMUR 106:3

Martua ma sanga ise na mandalankon angka parentaNia, jana na sai tigor di angka tindakanna.

MASMUR 130:5

Sai tarpainte do au di pangurupion ni Tuhan, jana tu hataNia do au marhaposan.

MASMUR 18:23

Diboto Ia do na hupadao au sian karejo na targora, jana na so mardosa iba.

MASMUR 42:2

Malungun au di Ho, ale Debata na mangolu, andigan do tola au marsomba di BagasMu?

MASMUR 65:6

Marhite kuasoMu na sumurung i, dipajongjong Ho angka dolok.

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

ENDE NA GODANG 5:8

Hamu angka boru Jerusalem, hupasumpa ma hamu, muda marsuo hamu dohot haholonganku, paboa ma tusia, na marnyae roha do au patunda ni holong ni roha.

JESAYA 12:4

Dapot do i hatihana marendei angka halak, “Mandok tarimakasi ma da tu Tuhan, pio ma goarNia mangido tolongan. Paboa ma tu angka bangso, hagodangan dohot sude pambaenanNia.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

JESAYA 26:13

Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 51:4

Parrohahon ma sorangKu, ale angka bangso, patinggil ma pinggolmu tu Au, ale angka marga ni bangso na marragam! Angke ruar ma pangajaran sian Au, jana tonangKu gabe sinondang tu sude bangso.

JESAYA 56:1

Didok Tuhan ma tu bangsoNia i, “Patulus hamu ma sanga aha na tigor jana na tumbuk tu hagiotKu, angke ro ne ma Au paluahon hamu.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

BILANGAN 36:13

On ma angka aturan dohot hatontuan na nilehen ni Tuhan tu halak Israel marhite si Musa dompak maradian halak Israel di tano na hornop na di Moab mardonokkon Batang aek Jordan paadop-adop dohot Jeriko.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

BAENON NI ANGKA RASUL 1:4

Jadi di na marlagut Ia rap dohot halahi ditonahon Ia ma tu halahi songon on, “Ulang morot hamu sian Jerusalem. Painte hamu ma disi lopus dilehen Damang sanga aha na nijanjihonNia i, i ma na dung Hupaboa hian tu hamu na salpu i.

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

2 TESSALONIKA 3:5

Sai dituturi Tuhan ma rohamunu tu holong roha ni Debata dohot tu hasobaron na nilehen ni Kristus.