JESAYA 26:6 - BIBEL JAMITA NA DENGGAN

⁶ Angka na pogos jana na dangol i ma mandege-degesa.

JESAYA 26:6 ပူးပေါင်းရင်းမြစ်များ

2 RAJA-RAJA 9:33

Didok si Jehu ma tu halahi “Dabuhon hamu i tu toru!” Didabu halahi ma si Isebel jabat mamincar mudarna i tu dingding dohot tu kudo i. Dung i digilingkon si Jehu ma bangke ni si Isebel i dohot kareta kudonia i.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 28:3

Dege-degeonna hatongamon ni angka pamimpinna na mabuk i.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

JESAYA 37:25

Laing bunggal ma pangkatahonmu, na nihuarmu sumur jana diinum ho aek di angka luat na asing, jana didege-dege angka tentaramu Batang aek Nil lopus mahiang.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JEREMIA 50:45

Hara ni i, tangihon ma sanga aha na dung Husangkaphon maradopkon kota Babel dohot na giot baenonKu tu angka halak na disi. Angka dakdanak ni halahi pe saraton do kehe jana sandok jolma gabe mabiar.

DANIEL 7:27

Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

LUKAS 10:19

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

1 KORINTUS 1:26

Hamu ale angka dongan! Ligi hamu ma jolo sanga na tarbia pangalahomunu di na nipiohon ni Debata hamu. Hum saotik do sian hamu na malo, sanga na markuaso sanga na marpangkat na gincat mangihutkon panatapan ni jolma.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

JOSUA 10:24

jana dioban ma i tu si Josua. Dung i dipiohon si Josua ma sude halak Israel marlagut. Dung i diparentahon si Josua ma anso marroan angka panglimania na rap kehe marporang dohot ia mandegei pangkal ni rungkung ni raja-raja i. Jadi dipatulus angka tentara i ma songon i.

HALUMBAAN 2:26

Jana barang ise na monang jana na mangkarejohon karejongKu lopus tu ujungna, lehenonKu ma kuaso tu halahi, maradopkon angka bangso.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.