JESAYA 26:3 - BIBEL JAMITA NA DENGGAN

³ Dilehen Ia do dame dohot hasonangan tu halak na togu rohana, hara ni na porsaya ia tuSia.

JESAYA 26:3 ပူးပေါင်းရင်းမြစ်များ

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

2 JUJUR TAON 13:18

Monang ma halak Juda dibaen mangasahon Tuhan Debata ni ompuna do halahi.

2 JUJUR TAON 16:8

Nada he lakna martentara na bahat Sudan dohot Libia mardongan kareta porang dohot tentara na markudo bage? Haru pe songon i dilehen Tuhan do hamonangan di ho maradopkon halahi, dibaen marpangunsandean ho tuSia.

MASMUR 119:165

Dumpangan hasonangan do halak na manghaholongi TonaMu, nada tarambati sanga aha pe halahi.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 26:12

Tuhan, baenonMu ma hami sonang so haribo-riboan, sude sibaenonnami Ho do mangkarejohonsa.

JESAYA 27:5

Tapi ampot angka musu ni bangsongKi, tu Au parlindungan dijalahi, padiar ma ro halahi mardame tu Au, tutu do ra ma halahi mardame tu Au.”

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JESAYA 32:17

Sanga na di dia adong hasintongan, dapotan ma disi hadameon, jana hara ni hasintongan tubu ma haulion dohot hasonangan salolot ni lolotna.

JESAYA 32:18

Marmoga-moga ma bangsongku. Moga ma halahi di bagas ni halahini be, nada adong be hasusaan.

JESAYA 42:19

Adong dope he na umpitung sian Israel naposongKu? Adong dope he na ummingol sian suruanKu?

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 66:12

Songon on do pandok ni Tuhan, “LehenonKu ma di hamu dame na manongtong. Mabaor ma tu hamu sinadongan ni angka bangso songon batang aek na so jungada hiang. Tudos ma hamu tu dakdanak na nipasusu ni inangna, diabing diampuanna jana di turke-turke mardongan holong ni roha.

JEREMIA 39:18

Nada bunuon ho, angke giot paluaonKu do ho. Malua do hosamu angke marpangunsandean do ho tu Au. Au Tuhan, Au do na mandok i.”

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.

PILIPPI 4:7

Hasonangan ni Debata na sumurung sian sude roha, manjagahon roha dohot pikiranmunu di bagasan Kristus Jesus.