JESAYA 26:14 - BIBEL JAMITA NA DENGGAN

¹⁴ Ma pola marmatean halahi, nada be i mangolu mangulahi, nada ngot be sumangotna i sanoli nari. Angke madung abis halahi dironcohon Ho jana sian parningotan pe disesa Ho.

JESAYA 26:14 ပူးပေါင်းရင်းမြစ်များ

JOB 18:17

Nada adong be na manandasa di kota dohot di balian; umpe sahalak be na marningot di goarna.

JOB 24:20

Dipapangani goya halahi, jana dihalupahon inana i. Nada be sipaingot-ingoton goarna; dironcohon noma ia songon hayu na maburgat.

JOB 7:9

Songon ombun na mangholom, lalu kehe, jolma pe mate, nada ra mulak be. Sude halak na manandasa, lupa ma tusia jana nada be niingot ia.

MASMUR 106:28

Di Peor, marsomba halahi tu Baal, jana dipangansa pelean ni angka debata.

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

MASMUR 135:17

Marpinggol do nian, tapi nada marbinege, sian pamanganna inda haruar hosa.

MASMUR 36:12

Ligi ma sanga di dia madabu halak na jahat, disi ma halahi julung, nada tarbaensa jongjong mulak.

MASMUR 59:5

O, Tuhan, Debata Na Markuaso, i ma Debata ni Israel. Jongjong ma Ho jana uhumi ma angka bangso, indangkon sai pola ibo rohaMu mida halak panghianat.

MASMUR 9:6

Dironcohon Ho musu dohot angka kota ni halahi, nada adong be na marningot i.

HARURUAR 14:30

Di ari i ma dipalua Tuhan bangso Israel sian halak Mesir, jana diida halak Israel do angka bangke ni halak Mesir i marpayahan di topi ni laut i.

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JESAYA 29:6

paluaon ni Tuhan Na Markuaso i kota i marhite bade dohot lalo na gogo. ParoonNia halingsungsung dohot api na marjembur-jembur.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

MATEUS 2:20

Didok surusuruan i ma, “Jongjong ma ho! Buat ma Dakdanak i dohot inangNa i, oban ma halahi mulak tu tano Israel. Harana, ma mate angka halak na giot mamunu Dakdanak i.”

PANGARATAION 4:28

Marsomba tu angka debata na nibaen ni tangan ni jolma ma hamu disi, tu angka debata na sian hayu dohot batu, na so marnida sanga marbinege, na so tarbaen mangan sanga marnianggo.

HALUMBAAN 20:5

On ma na parjolo dipangolu mangulahi angka halak na mate. (Tapi angka halak na mate na asing i nada dipangolu anggo di na saribu taon i.)