JESAYA 26:1 - BIBEL JAMITA NA DENGGAN

¹ Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

JESAYA 26:1 ပူးပေါင်းရင်းမြစ်များ

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 31:21

Nipuji ma Tuhan! Dipatangkas Ia do holong ni rohaNia, na pahomang rohaniba di na nihobuk ni musu au jana dialosa.

MASMUR 48:12

Haliangi ma Sion jana bolusi, jana etong ma palas-palasna i.

MASMUR 48:4

Ligi bo, marlagut do angka raja, ro halahi tu Dolok Sion laho mangaroro.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 31:9

Maporus ma rajana i hara ni biarna, jana angka perwirana i tarsonggot situtu, gabe ditadingkon halahi noma mandera ni parporangan.” Madung didok Tuhan songon i, nampuna api na di Sion dohot tataring na di Jerusalem.

JESAYA 33:5

Sangap situtu ma da antong Tuhan! Angke Ia do na mangarajai. BaenonNia ma hasintongan dohot hatigoran manggohi Jerusalem

JESAYA 33:6

jana lehenonNia ma hasonangan tu bangso i. Sai na ondihononNia do bangsoNa jana baenonNia halahi marbisuk dohot marbinoto. Pasangapon ni halahi ma Tuhan; i noma arta ni Sion.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

JESAYA 5:1

Tangihon bo marende au salaho tu kobun anggur ni donganku. Adong do kobun anggur ni donganku di gincat ni tor na napu.

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

JEHESKIEL 40:5

Dung i huida ma bagas na martembok humaliang. Dipungka bayo i ma mangukur tembok i dohot hayu parsuhat i, tolu meter ginjangna. Dapot ma tolu meter gincat ni tembok i, hapalna pe laing tolu meter muse.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

ZAKARIA 2:9

“Satutuna giot laluhononKu ma tanganKu tu halahi, jana halahi gabe ditaban angka halak na di toru ni kuasona hian. Jadi botoonmunu ma bahaso Tuhan Na Markuaso i do na marsuru au.”

BILANGAN 21:17

Di hatiha i ma diendehon halak Israel, ende on, “Ale sumur-sumur, marbuldak ma baen aekmu, sambutonnami ma i mardongan logu.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!