JESAYA 24:7 - BIBEL JAMITA NA DENGGAN

⁷ Marsingkor bona ni anggur jana maol ma dapot aek ni anggur. Halak na marjop ni roha di hatiha na salpu, saonnari gabe marsak.

JESAYA 24:7 ပူးပေါင်းရင်းမြစ်များ

JESAYA 16:10

Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

JESAYA 16:8

Anggo angka ladang na di lambung ni Hesbon dohot angka kobun anggur na di Sibma ma pola dironcohon, angka kobun na somal pambuatan ni anggur na dumenggan baen di angka parkuaso ni bangso i jana na mambaen mabuk halahi. Lalu hian do najolo bidang ni kobun anggur i lopus tu kota Jaeser; jana tu Habincaran lalu tu parhorsihan, jana di Hasundutan lopus tu ipar ni Laut Mate.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEHESKIEL 6:14

Olo antong, pahortangonKu ma tanganKu jana ropuhonKu luat ni halahi i lopus gabe mamolngit mamungka sian halongonan na di Selatan lopus tu kota Ribla di Utara. Sian angka inganan ni halak Israel, sahalak pe nada adong na giot paluaonKu. Jadi gabe botoon ni halak ma, Au do Tuhan.”