JESAYA 24:6 - BIBEL JAMITA NA DENGGAN

⁶ I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JESAYA 24:6 ပူးပေါင်းရင်းမြစ်များ

2 RAJA-RAJA 24:12

jana disi ma Raja Joyakin, inangnia, angka dakdanaknia, angka perwirania dohot angka pagawenia menyerah tu si Nebukadnesar. Jadi ditaban ma si Joyakin. Di taon pasalapankon ma i masa dung mamarenta si Nebukadnesar.

2 RAJA-RAJA 25:12

Tapi deba sian jolma na pogos-pogos ditadingkon ia do jana disuru ia mangkarejohon kobun anggur dohot angka ladang.

JESAYA 1:31

Songon durame na puntung dibaen gurasa ni api, songon i muse ma angka halak na markuaso luntahon ni angka pambaenan ni halahi sandiri, jana nada adong na tarbaen mangantak haroroncona i.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 34:5

Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.

JESAYA 43:28

Patunda ni i pahodaronKu noma angka malim di BagasKu, jana Israel pasahatonKu anso dipabile jana diabiskon.”

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEHESKIEL 5:3

Tadingkon ma saotik obuk i, jana saputi ma i di pangalompitan ni baju jubami.

HAMALIMON 26:22

ParoonKu ma angka binatang na parohon parmaraan tu tonga-tongamunu. Soroanna ma angka anakmu, mamunu pahan-pahananmu pasudehon hamu, gabe saotik ma bilanganmunu, gabe lungun angka dalan na adong di luatmunu.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

MALEAKI 3:9

Hona bura hamu sude, angke sude do bangso i paoto-otohon tu Au.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MALEAKI 4:6

BaenonNia ma marpangulahi roha ni ama-ama tu angka anakna jana roha ni angka dakdanak tu amana, anso ulang ro Au mangkonahon uhum tu tano on gabe maronco.”

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

PANGARATAION 28:62

Haru pe na dung sabahat ni bintang na di langit bilanganmunu, hum saotik sajo noma na tinggal mangolu, hara ni na so mangoloi hamu tu Tuhan Debatamunu.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.