JESAYA 24:5 - BIBEL JAMITA NA DENGGAN

⁵ Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 24:5 ပူးပေါင်းရင်းမြစ်များ

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

2 RAJA-RAJA 21:12

Hara ni i, Au, Tuhan, Debata na nisomba ni bangso Israel, paroonKu ma bala godang tu Jerusalem dohot tu Juda lopus tarsonggot sanga ise halak na umbege taringot tusi.

2 RAJA-RAJA 21:15

BaenonKu ma sudena i tu bangsongKu hara ni na mardosa halahi tu Au jana dipasunggul-sunggul halahi murukKu mamungka sian parruar ni ompu ni halahi sian Mesir lopus tu sadari on.”

2 JUJUR TAON 33:9

Patunda ni si Manase gabe dibaen angka rayat ni Juda do angka dosa na jumahat sian na nibaen ni angka bangso na di Kanaan na niusir ni Tuhan di hatiha na masuk bangso ni Tuhan i tu tano i.

MASMUR 105:10

Dirasmihon do parjanjian i tu si Jakob, gabe hatontuan di Israel sapanjangna.

MASMUR 55:5

Didondoni biar do au jana humitir, dirongomi pangkilalaan na manyikur.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 33:8

Angka dalan godang gabe gok parmaraan, nada puluk halak be mamolussa. Dijua do parjanjian jana dilaosi partahian. Nada adong be na dipasangap.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 50:5

Sapaan ni halahi ma dalan tu Sion, lalu mardalan ma halahi sabola tusi. Baenon ni halahi ma parjanjian na hot dohot Au jana nada langgaron ni halahi janji i.

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

JEHESKIEL 20:24

hara ni na dipasiding ni halahi angka parenta na sian Au, dilaosi halahi angka uhumKu, ramun dibaen halahi Ari Sabat, jana laing tontong do halahi marsomba angka debata na nisomba ni ompu ni halahi.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 9:10

Nada hami tangihon soraMu ale Tuhan Debatanami, di na nisuruMi hami mangolu mangihutkon angka aturan na nilehenMu di hami markite-hite angka panurirang, i ma angka naposoMi.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

HOSEA 6:7

Tapi songon si Adam, digagai hamu do janjimunu dohot Au.

HAMALIMON 20:22

Didok Tuhan ma: “Ihutkon hamu ma sude aturan dohot parentangKu anso ulang Huusir hamu sian tano Kanaan, i ma inganan na giot tusi obanonKu hamu.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 9:1

Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”

JOSUA 24:25

Jadi di ari i di Sikem, dibaen si Josua ma pamudun ni janji dohot halak Israel; jana disi ma dilehen ia tu halahi angka uhum dohot angka aturan na angkon sioloan ni halahi.