JESAYA 24:3 - BIBEL JAMITA NA DENGGAN

³ Pupusan ma tano i sudena lopus gabe harsang situtu. Madung didok Tuhan, jana musti tarjadi songon i.

JESAYA 24:3 ပူးပေါင်းရင်းမြစ်များ

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

JESAYA 21:17

Ulubalang na sumurung do angka sitiop sior ni Kedar. Hape hum saotik sajo do na malua sian halahi. Au, Tuhan Debata ni Israel madung mandok songon i.”

JESAYA 22:25

Muda dung tulus i, gabe taldus ma sangkotan na togu i jana madabu. Jana i ma pangabisanna sian horong dohot sude halak na marsigantung tusia. Tuhan Na Markuaso madung mandokkonsa.”

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 24:2

Sarupa be do disi bagian ni jolma i sudena – angka malim dohot rayat, hatoban na nitobusan dohot tuanna, panggadis dohot panobusi, parsali dohot parsingir, na kayo dohot na pogos.

JESAYA 24:4

Mahiang ma tano on jana malos, marhancit sude portibi on. Rap marhancit ma langit dohot tano on.

JESAYA 42:22

Hape mangabis hona samun bangso i, tarjorat halahi, madabu martinggangan, hona tangkup halahi jana ditahan di hurungan; madung gabe talu halahi, jana nada adong na paluahon, gabe rampasan jana nada adong na mandok: ‘Paulak ma.’

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JEREMIA 13:15

Ale halak Israel, madung didok Tuhan, ulang ginjang rohamu, tangihon ma tuSia!

JEHESKIEL 36:4

Hara ni i, ale angka dolok ni Israel, tangihon ma hata ni Tuhan Debata tu angka dolok dohot tor, tu angka batang aek dohot rura, tu angka inganan na dung sego jana na mamolngit dohot tu angka kota na dung tarulang, na dung gabe siincahan ni angka bangso na humaliangna;

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

PANGARATAION 29:28

Ma pola marsijongjong rimas ni Tuhan maradopkon bangsoNia i, jana di bagasan rimasNia na jorbut i, diumpat Ia ma bangso Israel sian tano ni halahi i lalu diambungkon halahi tu tano sileban, jana disi ma halahi saonnari maringanan.’