JESAYA 24:1 - BIBEL JAMITA NA DENGGAN

¹ Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 24:1 ပူးပေါင်းရင်းမြစ်များ

2 RAJA-RAJA 21:13

UhumanKu ma Jerusalem songon Samaria dohot si Ahab raja ni Israel i rap dohot pomparanna na Huuhumi i. PaspasonKu ma ias Jerusalem, songon pinggan na nibasu jana dipatungkap.

NEHEMIA 1:8

Ale Tuhan, ingot ma angka hataMu na niparentahonMu pajojoron ni si Musa mandok, muda nada setia hami bangso Israel tu Ho, sai na paserahonMu hami di tonga-tonga ni angka bangso na asing.

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 13:5

Na marroan sian angka luat sihadaoan do i sian angka ujung ni tano on. Di hamuruhonNa i giot pusaon ni Tuhan do sude portibi on.

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JESAYA 24:19

Marotak ma tano, maropuk jana humutur.

JESAYA 24:20

Songon na mabuk ma tano on mambal-ambal, jana humutur-hutur songon sopo na buruk na niombus ni alogo. Marumpak ma tano on hara ni dokdok ni dosana. Maronco ma i jana nada mulak be sumuang.

JESAYA 27:10

Madung marumpak jana gabe buang kota na marbenteng i songon halongonan na mamolngit. Manjampal lalu maradian disi noma angka hulanan ni pahan-pahanan manjampali bulung-bulung sian dangka ni hayu na adong disi.

JESAYA 29:16

Dipabalik-balik halahi do sasudena. Sarupa dehe tano liat dohot sitopa hudon? Tarbaen ma he na nitopa i mandok tu sitopa hudon i, “Nada ho na mambaen au”? Sanga tarbaen barang i ma he mandok tusia, “So diboto ho antong na nibaenmu”?

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JESAYA 30:32

Di na mangarasoi angka pukul-pukul i halahi, marsonang-sonang ma halak ni Tuhan mardongan musik gondang dohot hasapi. Ia sandiri do marporang mangalo halak Asur.

JESAYA 32:12

Mangandungi ma hamu harana madung disegohon angka ladangmunu na napu i dohot kobun anggurmunu i,

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 34:10

Arian na borngin nada mintop jilamna i, jana marbual-bual ma timus sian i sapanjangna. Ditadingkon halak ma tano i kosong jana harsang sian abad tu abad jana nada adong sahalak pe na mamolussa.

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JESAYA 42:15

HaromkononKu ma dolok dohot tor, Hupahiang duhut dohot angka hayu. Rura na paihut batang aek Hubaen gabe parhorsihan, jana Hupahiang angka ambar.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 40:15

Dung i sip-sip ma didok si Johanan tu si Gedalya, “Denggan ma i kehe au mamunu si Ismael; sahalak pe nada adong na umboto i. Biasi padiaron antong ia mamunu ho? Gabe masarsar muse do mangulahi halak Juda na dung marlagut rap dohot ho muda tulus songon i, jana i ma boncir ni hasusursar ni sude rayat na teba di Juda.”

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

JEHESKIEL 12:20

Angka kota na laing diingani halak angkon gabe maronco jana tano ipe angkon gabe gariang, dung i botoonmunu ma bahaso Au do Tuhan.”

JEHESKIEL 24:11

Saonnari baen ma hudon loyang na rumar i di ginjang ni api i jana padiar disi lopus mosok marrara. Dung mosok tasikna i, baru ma ias hudon i mangulahi mangihutkon aturan ni ugamo.

JEHESKIEL 35:14

Au Tuhan Debata mandok: Marjop ni roha ma na satano on muda jabat Hubaen sude tanomi gabe padang na mangalungun.

JEHESKIEL 5:14

Incahan ni angka bangso na humaliangmu ma ho, jana mandao ma sian ho sanga ise halak na mamolus.

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

JEHESKIEL 6:14

Olo antong, pahortangonKu ma tanganKu jana ropuhonKu luat ni halahi i lopus gabe mamolngit mamungka sian halongonan na di Selatan lopus tu kota Ribla di Utara. Sian angka inganan ni halak Israel, sahalak pe nada adong na giot paluaonKu. Jadi gabe botoon ni halak ma, Au do Tuhan.”

JEHESKIEL 6:6

Tung di sude ingananmunu angkon sursarkonon ma sude angka kota ni Israel, jana lungun baenon angka dolok-dolok, anso marampar jana marumpak angka langgatanmunu, marponggolan jana mago angka gana-ganaanmunu, jana maropuk angka tiang panyombaan, jana diagohon ma bagi aha na dibaen ni halahi.

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

JEHESKIEL 7:14

Mangkuling ma sarune, dung i markobas ma sude halak. Tapi sahalak pe nada adong na kehe tu galanggang ni parporangan, angke sude jolma do didondoni rimas ni Debata.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

BAENON NI ANGKA RASUL 17:6

Tapi hara ni na so dapot halahi si Paulus dohot si Silas gabe si Jason ma ditarik halahi dohot deba nari na porsaya i tu jolo ni angka panjabat na markuaso di kota i. Marsurak ma halahi, “Angka on ma sipanggaori i di na satano on! Saonnari giot di hita on ma halahi manggaori,

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 32:26

Sai giot pusaonKu do halahi sudena nian, anso ulang be adong tu halahi parningotan.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.