JESAYA 23:9 - BIBEL JAMITA NA DENGGAN

⁹ Tuhan Na Markuaso i, Ia do na mambaen haputusan i. Diputuskon Ia ma laho paujungkon ginjang ni roha ni halak na disi hara ni sude suha na dapot ni halahi jana patorukkon angka halak na sumangap sian tonga-tonga ni halahi.

JESAYA 23:9 ပူးပေါင်းရင်းမြစ်များ

JOB 12:21

Dipaila Ia angka pangarajai, jana dipaujung Ia daulat ni halahi.

MASMUR 107:40

dipatutoru Tuhan angka na beteng ni halahi, disuru Ia marpinda-pinda halahi di padang na bidang jana na so adong dalanna.

HARURUAR 8:4

Mangamburi ma tohuk i tu pamatangmu, tu pamatang ni rayatmu dohot tu sude menterimu.’ ”

JESAYA 10:33

Tuhan Na Markuaso i do na giot mangarumpakkon halahi songon dangka na nitaba sian bonana. Na umdorgak jana na gumincat sian halahi ponggolkonon noma jana pailaon.

JESAYA 13:11

“ParoonKu ma mara tu portibi on jana uhumanKu ma sude halak na jahat hara ni angka dosa ni halahi. Sanga ise siginjang roha Hupatutoru, halak na gakgak dohot na kejam uhumonKu.

JESAYA 14:24

Marsumpa ma Tuhan Na Markuaso i: “Angkon tulus do sude na dung Husangkapkon i.

JESAYA 14:26

Songon on do sangkapKu salaho tu portibi on; hortang do tanganKu laho manguhumi angka bangso.”

JESAYA 14:27

Madung putus roha ni Tuhan Na Markuaso i laho patupahon songon i. Hortang do tanganNia hobas laho manguhumi, jana nada adong sahalak pe na bolas manyundati Ia.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 23:10

Karejohon hamu ma ladangmunu, ale hamu halak Spanyol, harana nada adong be labuan.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 5:13

Hara ni i, toguon noma hamu kehe songon na tartaban. Mate tangkuraparon dohot manguas ma angka pamimpin dohot rayat.

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

JEREMIA 13:9

“Songon i ma na giot baenonKu maradopkon halak Juda dohot tu halak Jerusalem. RopuhonKu ma haginjangon ni roha ni halahi na lobi i.

JEREMIA 51:62

Dung salpu i martangiang ma ho songon on, ‘Tuhan, madung didokkon Ho, anggo inganan on na giot sarsarkononMu do lopus mago sude jolma bope pahan-pahanan, jana gabe songon padang halongonan inganan on sapanjangna.’

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

OBAJA 1:2

Jana tu Edom didok Tuhan ma, “Gale ma ho baenonKu lopus marlayas baenon ni sandok bangso.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

BAENON NI ANGKA RASUL 4:28

giot patuluskon sasude na dung ditontuhon Ho hian markite-hite kuaso dohot hagiotMu.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 3:11

Mardomu tu sangkapNia na so ra muba i do sudena i dibaen Debata na nipatulusNia markite-hite Jesus Kristus Tuhanta i.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”